O Mercado da Terra é un mercado totalmente autoxerido. Todas as actividades de dinamización que levamos a cabo financiámolas nós mesmxs (produtorxs e consumidorxs).
Para poder continuar nesta liña de traballo e ofrecer máis actividades, son benvidas todas as colaboracións.
Como podes colaborar?
- Facendo a túa compra no Mercado da Terra.
- Facendo doazóns puntuais (nalgún dos postos encontrarás o peto das doazóns).
- Ofrecéndonos un pouquiño do teu tempo (asistindo ás asembleas e encargándote de traballos puntuais que poidas facer).
- Axudándonos na difusión do Mercado, para así chegar cada vez a máis xente. Comparte as nosas publicacións nas túas redes sociais e fálalle de nós a toda a túa xente.
Se es consumidor/a habitual e queres estar ao tanto de todas as nosas conversas, decisións, reunións, etc., solicítanos que te incluamos na nosa lista de correo.
Obrigadas!!