ELABORACIÓN DUNHA PULSERA DE ANEA (ESPADAÑA)
O martes 26 de marzo desfrutaremos dunha nova actividade aberta ao público no ámbito do Mercado da Terra (rúa Quiroga Ballesteros, no baixo do edificio do Uxío Novoneyra), entre as 18:00h e as 19:30h.
A Anea é unha planta herbácea da familia das Tifáceas, que medra en zonas palustres, e alcanza os 2 m. de altura. As follas teñen unhas características axeitadas para a cestería porque son longas, estreitas, resistentes e flexibles. Unha das súas aplicacións máis habituais é a elaboración do entramado que serve de base para as cadeiras.
Nós elaboraremos un cordón de dous cabos, co que faremos unha pulseira. Deste xeito sinxelo, aprenderemos a técnica básica que se utiliza para as cadeiras, para a estrutura das corozas, as soltas para animais, etc.